‘मैले कसैलाई ‘पाखे’ भनेको छैन’ – सूर्य थापा

काठमाडाैं: प्रधानमन्त्री केपी शर्मा ओलीका प्रेस सल्लाहकार सूर्य थापाले एक अन्तर्वार्तामा कुलमान घिसिङले गर्दा लोडसेडिङ अन्त्य भयो भन्नेहरूलाई एक पाखे’भनेकाे  भिडियाे भाइरल बनेकाे छ ।

भिडियाे भाइरल बनेर आलोचना हुन थालेपछि प्रेस सल्लाहकार थापाले आफूले कसैलाई ‘पाखे’ नभनेको भन्दै स्पष्टीकरण दिएका छन् । साेही विषयमा प्रेस सल्लाहकार थापाले बुधबार ट्विटरमार्फत आफूले ‘पाखे’ नभनेर ‘एकपाखे’ भनी टिप्पणी गरेकाे स्पष्ट पारेका छन्  । उनले ‘एकपाखे’ भनेकामा यसलाई एकथरी मानिसले अतिरञ्जित गरी दुष्प्रचार गरेको गुनासो पनि गरेका छन्  ।

थापाले ट्विटरमा लेखेका छन् ,मैले पाखे भनेको भनेर एकथरी दुराशय बोकेका व्यक्तिहरूले अति गरिरहेको पाएँ, एकपाखातिरको कुरा गरेर अर्कोपट्टि बेखबर नै हुने असन्तुलित कुरा गर्नेलाई मैले एकपाखे भएको स्पष्ट भनेको छु। त्यसलाई तोडमरोड गरी दुष्प्रचार गर्ने परिचालित तत्वहरूको भ्रममा नपर्न आग्रह गर्दछु।

Loading...
प्रकाशित मिति ८ आश्विन २०७७, बिहीबार ०८:०४