आफुलाई महरासँगै डिल्लीबजार कारागारमा सार्न आलमले हिन्दी भाषामा ‘चिट’ लेखेर दिए नख्खु कारागारलाई

काठमाडौं ३ मङ्सिर कारागारमा राम्रो सुविधा नभएको र अहसज भएको भन्दै मोहम्मद अफताब आलमले डिल्लीबजार कारागारमा सार्न माग गरेका छन् ।उनले आइतबार कारागार कार्यालयलाई सानो ‘चिट’ लेख्दै महरालाई डिल्लीबजारमा राखेर आफूलाई नख्खुमा राखिएको बताउँदै महरासँगै डिल्लीबजार कारागारमै सार्न माग गरेको समाचार आजको नागरिक दैनिकमा प्रकाशित छ ।

राजपुर ब मका ण्डका अभि युक्त आलमलाई गौरबाट नख्खु कारागार ललितपुर सारेपछि उनीमाथि निगरानी बढाइएको छ । आलमलाई भेट्न आउनेको संख्या बढी भएको र सुरक्षा ‘थे्रट’लाई महसुस गर्दै निगरानी बढाइएको कारागार कार्यालयले जनाएको छ ।

चौतर्फी निगरानीमा बसेका आलमले प्रहरीमाफर्त कारागार कार्यालयलाई ‘चिट’ पठाएका थिए । उक्त चिटमा अन्यत्र सार्न माग गरेका छन् । हिन्दी भाषामा लेखिएको ‘चिट’मा आफूलाई असुरक्षा महसुस भएको र अव्यवस्थित भएको लेखेका छन् । तर, कारागार कार्यालयले भने यस विषयमा कुनै जवाफ दिएको छैन ।

सरकारले दिएको सेवासुविधा सबै कैदी र थुनुवाको लागि समान हुने भएकोले यसबारे कुनै जवाफ दिन नमिल्ने बताएको छ । ‘कारागारभित्र पनि घरमा जस्तै सुविधा खोजेर हुन्न, सरकारले जेजे सुविधा दिनु भनेका छ हामीले ती सुविधा दिएका छौं, कार्यालयका प्रमुख सुरेन्द्र पौडेलले भने, ‘यदि माथिल्लो निकायले नै सार्ने निर्णय ग-यो भने हामीले केही भन्न मिल्दैन, तर यहाँ भित्र पसेपछि सबै कैदीको अधिकार समान हुन्छ ।’

Loading...
प्रकाशित मिति ३ मंसिर २०७६, मंगलवार ०२:३६