अमेरिकाले गर्यो एस्तो काम १४५ भारतीयहरु लाई हात खुट्टा बाँधेर फर्काइदियो

वैधानिक कागजपत्र विना प्रवेश गर्नेमाथि अमेरिकाले कडा नीति लिन थालेको छ । उसले मंगलबार एक सय ४५ भारतीय र २५ बँगलादेशी नागरिकलाई उनीहरुको देशमा फर्काइदिएको छ । त्यो पनि हात खुट्टा बाँधेर उनीहरु बुधबार विहान नयाँ दिल्लीमा उत्रिएका छन् । सुन्दर सपना देख्दै लाखौं खर्च गरेर अवैध वाटोवाट अमेरिका पुगेका त्यती ठूलो संख्याका भारतीय र वंगाली नागरिकको एकातिर ठूलो रकम डुवेको छ भने अर्का तिर सबैको सपना चकनाचुर भएको छ ।

अमेरिकाको एरिजोनाबाट उडेको चार्टड विमानमा उनीहरुलाई हात खुट्टा बाँधेर फर्काइएको थियो । एरिजोनाबाट एकैपटक ढाका उत्रिएको विमान २५ बँगलादेशीलाई ओरालेपछि नयाँ दिल्ली उत्रिएको थियो । भारतीय नागरिकमध्ये १४२ पुरुष र तीनजना महिना थिए । उनीहरुलाई अमेरिकाको विभिन्न प्रान्तबाट निय न्त्रणमा लिई सामूहिक रुपमा आफ्नै देश फर्काइएको थियो । २४ घन्टा लामो विमानको यात्रापछि उनीहरु भारत पुगेका थिए ।

अमेरिकामा गैरकानुनी रुपमा प्रवेश गर्न फर्काइएकाहरुले प्रतिव्यक्ति २५ लाख भारु सम्म तिरेका थिए । उनीहरुले दलालमार्फत् विभिन्न देशको बाटो हुँदै अमेरिका प्रवेश गरेका थिए । अधिकांश१९ देखि ३१ वर्ष उमेर समूहकाहरु दक्षिण अमेरिकाका विभिन्न देश हुँदै अमेरिका पुगेका थिए । केही व्यक्ति यूरोपको बाटो हुँदै पुगेका थिए ।

अमेरिकाले भारतीय नागरिकलाई गत महिना यसैगरी चाटर्ड विमानमार्फत् फर्काइदिएको थियो । वर्तमान राष्ट्रपति डोनाल्ड ट्रम्प गैरकानुनी रुपमा अमेरिका प्रवेश गर्नेप्रति कठोर छन् । उनले अमेरिका वैधानिक कागजपत्रविना प्रवेश गर्नेमाथि कडा कारबाही गर्दै आएका छन् ।एजेन्सी

Loading...
प्रकाशित मिति ६ मंसिर २०७६, शुक्रबार ०६:११