यी ८ वर्षीय बालक पाँच दिनदेखि वेपत्ता खोजि गरिदिन परिवारको आग्रह !

यी ८ वर्षीय बालक पाँच दिनदेखि वेपत्ता खोजि गरिदिन परिवारको आग्रह ! डडेल्धुरा जिल्ला अमरगढी ९ ढाँट गाउँ निवासी पूर्णबहादुर पालका छोरा ८ वर्षीय बालक प्रविन पाल ५ दिन*देखि बेपत्ता भएका छन् । पाल ५ दिन*देखि बेपत्ता रहेको बालकका आफन्त पुस्कर बहादुर पालले बताएका छन् । यही मंसिर १६ गते बिहान घर*बाट विद्यालय जान्छु भनि निस्केका बालक उतैबाट बेपत्ता भएको उनको भनाइ छ ।

उनी भागेश्वर मावि टाँटरमा कक्षा ३ मा पढ्दै थिए । १६ गते विद्यालय गएका बालक घर नआए*पछि विद्यालयमा बुझ्दा विद्यालयले पनि उपस्थित नभएको जानकारी गराएको थियो। बालक बेपत्ता भएपछि बालकका आफन्तले खोजी गरिदिन आग्रह गर्दै जिल्ला प्रहरी कार्यालय डडेल्धुरामा निवेदन दर्ता गरको छ ।

१८ गते बालक हराएको उजुरी प्रहरीमा आएको डडेल्धुराका प्रहरी नायब उपरीक्षक दधिराम न्यौपाने बताएका छन् । बालकको खोजी कार्यमा प्रहरी लागि*परेको प्रहरी नायव उपरीक्षक न्यौपानेले बताएका छन् ।

यो पनि पढ्नुहोस : काठमाडौं, १८ मंसिर । नेपाली भूमी समेत समेटेर भारतले हालै जारी गरेको नक्साका बारेमा भारतसंग औपचारीक कुराकानी गर्न जान लागेका नेकपाका वरिष्ठ नेता माधवकुमार नेपालको भारत भ्रमण तत्कालका लागि रोकिएको छ । उनी नेपालका तर्फवाट विशेष दुत बनेर भारत जान लागेका थिए । भारत गएर उनले प्रत्यक्ष भारतीय प्रधानमन्त्री नरेन्द्र मोदीसंग कुराकानी गर्ने कार्यक्रम थियो । तर भारतीय पक्षले प्रधानमन्त्री नरेन्द्र मोदीसँग भेटका लागि समय नदिएपछि तत्कालका लागि उनको भारत भ्रमण रोकिएको हो

‘विशेष दूतले कार्यकारी प्रमुखसँगै भेट गर्नुपर्ने हुन्छ’, स्रोतले भन्यो, ‘तर, अहिलेसम्म भारतीय पक्षले समय दिएको छैन।’ नेकपा सचिवालय बैठकले यस विषयलाई गम्भिर रुपमा लिएर वरिष्ठ नेता माधव नेपाललाई विशेष दुतका रुपमा पठाउने निर्णय गरेको थियो । मंसिर ४ गतेको नेकपा सचिवालय बैठकले यस्तो निर्णय गरेको हो । छलफल अनुसार नै वरिष्ठ नेता नेपालले प्रक्रिया अगाडि सारेका थिए। यो विषयमा भारतीय पक्षले समय नदिएपछि बुधबारको सचिवालय बैठकमा माधव नेपालले ब्रिफिङ गरेका हुन्। नेकपा सचिवालय बैठकमा समय मिलाउने प्रयास भइरहेकको नेता नेपालले बताएका छन्।

नेपालबाट जाने विशेष दूतसँग भेटवार्ताको समयका लागि परराष्ट्र मन्त्रालयले समन्वय गरिरहेको छ। नेपाल भारत सीमा विवाद समाधानका लागि प्रधानमन्त्री केपी ओलीले कात्तिक २३ गते सर्वदलीय बैठक गरेका थिए। बैठकमा सबै नेताले राष्ट्रियताको विषयमा एकजुट हुनुपर्नेमा जोड दिएका थिए। भारतीय नक्सामा नेपालको कालापानी, लिपुलेक र लिम्पियाधुरा परेपछि त्यसको विरोध भइरहेको छ। सरकारले भने यो समस्या समाधानका लागि भारतसँग कूटनीतिक पहल सुरु गरेको हो।

भारतले नेपाली भूभाग समेत समेटेर नयाँ नक्सा सार्वजनिक गरेपछि नेपालमा त्यसको सवत्र विरोध भइरहेको छ । नेपालका तर्फवाट प्रधानमन्त्री केपी शर्मा ओली आफैले पनि सार्वजनिक रुपमा सो कुराको विरोध गर्दै भारतीय सेनालाई कालापानीवाट हटाउन भारतीय समकक्षीलाई अपिल गरेका छन् । सिमानाका विषयमा वहालवाला प्रधानमन्त्रीले यसरी सार्वज्निक अभिब्यक्ति दिएको पहिलो पटक हो । प्रधानमन्त्रीको सो भनाई पछि भारतमा निकै चर्चा भएको थियो । नेपाली भूभागको रक्षा गर्न र कुटनीतिक तरिकाले समस्या समाधान गर्न सरकारलाई दवाव समेत परेको छ ।

Loading...
प्रकाशित मिति २० पुष २०७६, आईतवार ०१:४६