राष्ट्रसंघ : कोरोना महामारी दोस्रो विश्वयुद्धपछिकै ठूलो चुनौती

संयुक्त राष्ट्रसंघका महासचिव एन्टोनिओ गुटेरसले कोरोना भाइरस महामारी विश्वका लागि दोस्रो विश्वयुद्ध पछिको सबैभन्दा ठूलो चुनौती भएको बताएका छन् । यस अवस्थामा उनले सम्पूर्ण राष्ट्रलाई सचेत रहन आग्रह समेत गरेका छन् ।

कोरोनाभाइरस महामारीको सामाजिक आर्थिक प्रभाव सम्बन्धी एक राष्ट्रसंघीय प्रतिवेदन सार्वजनिक कार्यक्रममा महासचिव गुटेरस यस महामारीले ल्याउने मन्दीको तुलना पछिल्ला कुनै वर्षका घटनासँग नहुने बताएका छन्।

न्यूयोर्कस्थित राष्ट्रसंघ मुख्यालयमा उनले भने, ‘यो नयाँ रोगले मानिसको जीवनमा असर गर्दै समाजको मुटुमै प्रहार गरेको छ।’ राष्ट्रसंघ प्रमुखले महामारीको प्रभाव अन्त्य गर्नको लागि तत्काल सबैको सहकार्य सहितको स्वास्थ्य सहायता आवश्यक रहेको बताए।

गुटेरसले कम विकसित देशहरूलाई सहायता गर्न औद्योगिक राष्ट्रहरूलाई आग्रह गरेका छन् । यस्तै कोरोना महामारीले डरलाग्दा नतिजा सामना गर्नुपर्ने बताए।

राष्ट्रसंघको अनुमानअनुसार यस महामारीले विश्वभर झण्डै दुई करोड पचास लाख मानिसहरूले रोजगारी गुमाउनेछन्। विश्वव्यापी प्रत्यक्ष वैदेशिक लगानीको लहरमा ४० प्रतिशतले कमी आउने उक्त प्रतिवेदनमा जनाइएको छ।

अमेरिकाले कडिकडाउका उपायहरू बढाइरहँदा चारमध्ये तीन अमेरिकीहरू कुनै न कुनै प्रकारका लकडाउन सामना गरिरहेका वा गर्ने अवस्थामा पुगेका छन्। महामारीसँग जुझ्न भइरहेका थुप्रै प्रयासबीच विश्वभरका सेयर बजारहरूले यस वर्षको पहिलो तीन महिनामा तीन दशक यताकै ठूलो क्षति बेहोरेका छन्।

Loading...
प्रकाशित मिति १९ चैत्र २०७६, बुधबार ०५:२८